धनुषा । धनुषाको लग्मा जटहीबाट हुण्डी कारोबार गर्ने एकजना पक्राउ परेका छन् ।

भारतबाट नेपालतर्फ आउँदै गरेको अवस्थामा प्रहरीले स्रोत नखुलेको चार लाखभन्दा बढी रुपैयाँसहित धनुषाधाम नगरपालिका–०७ बस्ने ३८ वर्षीय जाबिर राईनलाई पक्राउ गरेको हो ।

जिल्ला प्रहरी कार्यालय धनुषाका अनुसार प्रदेश २–०२–००४ प ७५३४ नम्बरको मोटरसाइकलमा सवार राईनबाट स्रोत नखुलेको नेपाली ४ लाख छ हजार एक सय पन्ध्र रुपैयाँ बरामद गरिएको छ ।

उनीमाथि थप अनुसन्धान भइरहेको प्रहरीले जनाएको छ ।