काठमाडौं । यातायात व्यवसायीले ल्होत्से बहुउद्देश्यीय कम्पनीसँगको ४५ वर्षे सम्झौता रद्द गर्नुपर्ने माग गरेका छन् ।

मंगलबार बिहान उपप्रधान एवं भौतिक पूर्वाधार तथा यातायातमन्त्री नारायणकाजी श्रेष्ठसँग वार्ताका क्रममा उनीहरूले यस्तो माग गरेका हुन् ।

ल्होत्सेले गोंगबुस्थित नयाँ बसपार्कमा ‘गुन्डा’हरूको अखडा बनाएको आरोप व्यवसायीको छ ।

गाडी चलाउने मजदुरलाई कुट्ने, चर्को शुल्क उठाउने गरिएको व्यवसायीको भनाइ छ ।

सोमबार प्रदर्शनका क्रममा गोंगबु, नयाँ बसपार्क क्षेत्रमा तोडफोड र प्रहरीका गाडीमा आगजनी गरिएको थियो ।