काठमाडौं । डच फरवार्ड कोडी गोक्पोले लिभरपुलका लागि आफ्नो पहिलो गोल गरेपछि जर्गेन क्लोपको टोली लिभरपुलले प्रिमियर लिगमा यो सिजनको पहिलो जित निकालेको छ ।

खराब लयबाट गुज्रिरहेको लिभरपुलले गएराति एनफिल्डमा भएको खेलमा लिभरपुलले एभर्टनलाई २–० गोल अन्तरले पराजित गरेको हो।

लिभरपुलको जितमा मोहमद सलाहले खेलको ३६औं मिनेटमा गोल गर्दै टिमलाई अग्रता दिलाए । पहिलो हाफमा एक गोल गरेको लिभरपुलले दोस्रो हाफमा थप एक गोल गरेको हो ।

गाक्पोले खेलको ४९औं मिनेटमा गोल गरे । जितसँगै लिभरपुलले २१ खेलमा ३२ अंक जोडेर तालिकाको नवौं स्थानमा छ ।