बर्दिया । बिग्रिएको गाडी मर्मत गर्न धेरै खर्च लाग्ने भएपछि बर्दियामा एकजना ड्राइभरले आफ्नै गाडीमा आगो लगाएका छन्।

सोमबार बिहान २ बजेको समयमा बर्दियाको मधुबन नगरपालिका ४ बसन्ता स्थित माचड चोकदेखि भुरिगाउँ जोड्ने पक्की सडकखण्डमा गाडी जलाइएको हो।

बर्दियाको मधुवन नगरपालिका-२ गंगापटुवाका रामु चौधरीले बीमाको रकम दाबी गर्न गाडीमा आगो लगाएको प्रहरीले बताएको छ ।

आइतबार राति २ बजे मधुबन नगरपालिका-०४ बसन्तास्थितमा लु २ ख २०८४ नम्बरको फोर्स गाडी आगलागी भएको अवस्थामा प्रहरीले फेला पारेको थियो ।

गाडीमा आगजनी भएको खबर पाएर पुगेको इलाका प्रहरी कार्यालय ढोढरीको टोलीले घटनाको अनुसन्धान गर्ने क्रममा चालक चौधरीले आफैंले आगजनी गरेको स्वीकार गरेका जिल्ला प्रहरी कार्यालय बर्दियाले बताएको छ ।

माघ २९ गते साँझ ८ बजे अर्को जिपले तानेर रामुले उक्त गाडीलाई चालकले जंगल क्षेत्रमा पर्ने बसन्ता पुर्‍याएका थिए । त्यसपछि चालकले डिजल छर्केर आगजनी गरेका हुन् ।