काठमाडौं । संघीय संसद्लाई सम्बोधन गर्न राष्ट्रपति विद्यादेवी भण्डारी पुग्दा काठमाडौं उपत्यकाको सवारी आवागमन प्रभावित भएको छ ।

राष्ट्रपति भण्डारीको सवारीका लागि राष्ट्रपति कार्यालयदेखि संसद् भवनको बाटो बन्द गरिएपछि सडक अस्तव्यस्त बनेको हो ।

राष्ट्रपति विद्यादेवी भण्डारी ३ बजेपछि संसद् भवन पुगेकी थिइन् । अहिले उनी फर्किसकेकी छन् । ट्राफिक प्रहरीका प्रवक्ता एसपी राजेन्द्रप्रसाद भट्टले अबको केही समयपछि सवारी जाम कम हुँदै जाने बताए ।

मन्त्रीहरूको आवतजावतले पनि थप जाम भएको ट्राफिकले जनाएको छ । विभिन्न सडक चोकका सर्वसाधारण रोकिनुपर्ने र जाममा बस्नुपर्ने अवस्था छ ।