काठमाडौं । लामो समयदेखि मोटरसाइकलको कर तिर्न बाँकी रहेका सवारी धनीका लागि यातायात व्यवस्था कार्यालय मोटरसाइकल, काठमाडौंले पाँच वर्षको जरिवाना छुट दिने भएको छ ।

बिहीबार एक सूचना प्रकाशित गरि यस्तो जानकारी दिएको हो ।

आर्थिक वर्ष २०७०/७१ देखि आर्थिक वर्ष २०७५–७६ सम्म तोकिए बमोजिमको कर तथा नवीकरण समेत भुक्तानी नगरेका सवारी धनीले यही २०७९ फागुन मसान्तभित्र कर बुझाएमा जरिवाना छुट दिने भएको हो ।

यस्तै ट्राफिक कारबाहीमा परेका सवारी साधनहरु पनि चालू आवसम्मको कर नवीकरण गरी विधिवत लगतकट्टा गर्न पनि अनुरोध गरिएको छ।