जुम्ला । जुम्लाको चन्दननाथ नगरपालिका–१ मा गएराति आगलागी हुँदा १४ वर्षीया बालिकाको जलेर मृत्यु भएको छ।

मृत्यु हुनेमा चन्दननाथ–१ ठिन्केका लोकबहादुर भण्डारीकी १४ वर्षकी छोरी बन्दना भण्डारी रहेकी छन् ।

दमकल, प्रहरी, नेपाली सेना र स्थानीयको सहयोगमा गए राति करिब २ बजेतिर आगो नियन्त्रणमा लिइएको थियो।

आगलागीबाट लोकबहादुरको तीनतले घर जलेर नष्ट भएको छ। घटनाको थप अनुसन्धान भइरहेको जुम्ला प्रहरीले जनाएको छ।