विराटनगर । प्रदेश १ को प्रदेशसभा बैठक सोमबार बस्दैछ । बैठक दिउँसो १ बजे बस्ने प्रदेशसभा सचिवालयले जनाएको छ ।

बैठकमा यसअघि सरकारले ल्याएको प्रदेश निजामति सेवा अध्यादेश र केही प्रदेश ऐन संशोधन अध्यादेश स्वीकृत गर्ने कार्यसूची रहेको छ ।

अध्यादेशलाई प्रदेशसभा सञ्चालन भएको ६० दिनभित्र विधेयकमार्फत प्रतिस्थापन गर्नुपर्ने हुन्छ । सरकारले सोही अनुसार तयारी भइरहेको जनाएको छ ।

विजनेस अभावका कारण तीन साता लामो स्थगनमा रहेर सोमबार बस्न लागेको प्रदेश १ संसद्को अर्को बैठक पनि विजनेसविहीन अवस्थामै आयोजना हुने भएको हो।

पुस ३० मा उपसभामुख चयन गरेपछि विजनेस नभएकै कारण प्रदेशसभा अनिश्चितकालीन स्थगनमा गएको थियो।