काठमाडौं । बंगलादेशमा जारी साफ यू-२० महिला च्याम्पियनसिप फुटबलमा नेपालले पहिलो जित दर्ता गरेको छ ।

ढाकास्थित विर श्रेष्ठ शहिद सिपाही मुस्तोफा कमल स्टेडियममा आइतबार भुटानलाई ४-० गोल अन्तरले हराउँदै नेपालले पहिलो जित निकालेको हो ।

पहिलो हाफको थप गरिएको दोस्रो मिनेटमा कार्कीले दोस्रो गोल गर्दै नेपाललाई पहिलो हाफमा २–० को अग्रता दिलाइन् ।

खेलको ६० औं मिनेटमा दिपा शाहीले नेपालका लागि गोल गर्ने एक सुनौलो अवसर गुमाइन् । ६१ औँ मिनेटमा कप्तान प्रिति राईले नेपालका लागि तेस्रो गोल गरिन् ।

६२ औँ मिनेटमा अमिशाले गोल गर्दै टिमको चौथो तथा व्यक्तिगत तेस्रो गोल गर्दै ह्याट्रिक पुरा गरिन् ।

प्रतियोगितामा नेपालसहित आयोजक बंगलादेश, भारत र भुटानको सहभागिता रहेको छ ।

अब नेपालले अन्तिम खेलमा मंगलबार भारतसँग खेल्नेछ ।