विराटनगर । प्रहरीले प्रतिबन्धित औषधिसहित भारतीय नम्बर प्लेटको मोटरसाइकल नियन्त्रणमा लिएको छ।

प्रहरी चौकी बरडंगाबाट खटिएको टोलीले बीआर ३९ एल १०८२ नम्बरको मोटरसाइकल मोरङको सुनवर्षी नगरपालिका-७ बरडंगाबाट नियन्त्रणमा लिएको हो।

प्रहरी चौकी बरडंगाबाट खटिएको टोलीलाई देख्नासाथ मोटरसाइकल घुमाएर माग्न खोज्न चालक मोटरसाइकल लडेपछि छोडेर भागेका थिए।

मोटरसाइकलमा बाँधेको बोराबाट प्रतिबन्धित औषधि ट्रामाडोल ९ सय ६० पत्ता ९९ हजार ६ सय पिस बरामद भएको प्रदेश १ प्रहरी कार्यालय विराटनगरले जनाएको छ ।