काठमाडौं । नेपालका लागि अमेरिकी राजदूत डिनआर थम्पसनले उपप्रधान एवं ऊर्जा जलस्रोत तथा सिँचाइमन्त्री राजेन्द्र लिङदेनसँग भेट गरेका छन् ।

मन्त्रालयमा बुधबार भएको भेटमा दुईदेशीय सहयोग र चासोका विषयमा छलफल भएको बताइएको छ ।

भेटमा उपप्रधानमन्त्री लिङ्देनले ऊर्जाको विकास, प्रसारण र व्यापार आफ्नो प्राथमिकता रहेको उल्लेख गर्दै ऊर्जाको ट्रान्समिसन लाइन विस्तारमा अमेरिकी सरकारको सहयोग रहने विश्वास व्यक्त गरेका थिए ।

विगत लामो समयदेखि अमेरिकाले नेपालका विभिन्न क्षेत्रमा सहयोग गर्दै आएको स्मरण गराउँदै राजदूत थम्पसनले आगामी दिनमा पनि यसलाई निरन्तरता दिने प्रतिबद्धता जनाए ।