एजेन्सी । साउथह्याम्पटनलाई हराउँदै न्युकासल युनाइटेड काराबाओ कप फुटबलको फाइनलमा प्रवेश गरेको छ ।

आफ्नै मैदानमा मंगलबार राति भएको सेमिफाइनल दोस्रो लेगको खेल २–१ ले जित्दै न्युकासल फाइनलमा पुगेको हो ।

पहिलो लेगको खेल १–० ले जितेको न्युकासलले समग्रमा खेल ३–१ ले आफ्नो पक्षमा पार्दै फाइनलमा प्रवेश गरेको हो ।

सेमिफाइनलको दोस्रो लेगमा १० खेलाडीमा समेटिएको न्यूक्यासलको जितमा सिन लङस्टाफले दुई गोल गरे ।

खेलको पाँचौं मिनेटमा लङस्टाफले गोल गर्दै न्युकासललाई सुरूवाती अग्रता दिलाएका थिए । साउथह्याम्टनका चे एडम्सले एक गोल फर्काए ।