एजेन्सी । बेलायतका पूर्वप्रधानमन्त्री बोरिस जोनसनले रुसी राष्ट्रपति भ्लादिमिर पुटिनले आफूलाई क्षेप्यास्त्र आक्रमण गर्ने धम्की दिएको बताएका छन् ।

युक्रेन आक्रमणअघि पुटिनले आफूलाई क्षेप्यास्त्र आक्रमण गर्ने धम्की दिएको जोनसनले आरोप लगाएका हुन् । जोनसनका अनुसार प्रधानमन्त्री छँदा उनले फोनवार्ताका क्रममा आफूले पुटिनलाई युद्ध चरम विनाशकारी हुने बताएका थिए ।

युद्ध भए पश्चिमले नाकाबन्दी गर्ने र युक्रेन नेटोमा सहभागी हुने पनि बताएका थिए ।

जोनसनले बीबीसीको एक डकुमेन्ट्रीमा भनेका छन् ‘बोरिस, म तपाईंलाई दुःख दिन चाहन्नँ। तर, क्षेप्यास्त्र त एकै मिनेटमा हान्न सकिन्छ । तर, रुसले भने जोनसनले ढाँटेको आरोप लगाएको छ ।