काठमाडौं । उपप्रधान एवम् भौतिक पूर्वाधार तथा यातायातमन्त्री नारायणकाजी श्रेष्ठसँग चीनका राजदूत चेन सङले शिष्टाचार भेटवार्ता गरेका छन्।

मन्त्री श्रेष्ठलाई भेट्न राजदुत सोङ्ग आइतबार बिहान सिंहदरबार पुगेका हुन् ।

भेटमा दुई देशबीचकाे सम्बन्ध र समयसामयिक विषयमा कुराकानी भएकाे बताइएकाे छ।

भेटमा आपसीहित, दुई देशबीचको सम्बन्ध, चीनले नेपालमा अगाडि बढाइरहेका परियोजनालगायतका विषयमा छलफल भएको थियो ।

नेपालका लागि चिनियाँ राजदूतका रुपमा नियुक्त भएर आएका चेनलाई सफल कार्यकालको शुभकामना दिँदै उपप्रधानमन्त्री श्रेष्ठले दुई देशबीचको जनस्तरको सम्बन्ध थप विस्तार हुने विश्वास प्रकट गरे।