काठमाडौं । लोक तथा दोहोरी गायक भीम पौडेलको निधनप्रति प्रधानमन्त्री पुष्पकमल दाहाल ‘प्रचण्ड’ले दु:ख व्यक्त गरेका छन्।

प्रधानमन्त्री दाहालले सामाजिक सञ्जालमार्फत दु:ख व्यक्त गरेका हुन्।

‘लोक तथा दोहोरी गायक भीम पौडेलको अल्पायूमै भएको दु:खद् निधनप्रति गहिरो दु:खसहित श्रद्धाञ्जली व्यक्त गर्दछु।

शोक सन्तप्त परिवार, आफन्त र शुभेच्छुकहरूमा गहिरो समवेदना प्रकट गर्दछु,’ प्रधानमन्त्रीले फेसबुकमा लेखेका छन्।

केही समयदेखि बिरामी रहेका गायक पौडेलको शुक्रबार बिहान आफ्नै घर स्यङ्जामा निधन भएको छ।