काठमाडौं । लोकदोहोरी गायक भीम पौडेलको निधन भएको छ ।

चर्चित लोकदोहोरी कार्यक्रम इन्द्रेणीमार्फत चर्चाको शिखरमा पुगेका स्याङ्जाका गायक पौडेलको बिहीबार राति करिब ११ः२० मा निधन भएको हो ।

पारिवारिक स्रोतका अनुसार गायक पौडेल केही समययता डिप्रेशनमा थिए । यद्यपि, उनको मृत्युको कारण भने खुल्न बाँकी छ ।

गायक पौडेलको शव आज बिहान ११ बजे कास्कीको रामघाटमा ल्याइ लोकदोहोरी क्षेत्रका व्यक्ति तथा उनका शुभचिन्तकले श्रद्धाञ्जली दिएपश्चात् दाहसंस्कार गरिने तयारी रहेको बताइएको छ ।