काठमाडौं । अमेरिकामा जासुसी गरेको आरोपमा एक चिनियाँ इन्जिनियरलाई ८ वर्ष जेल सजाय सुनाइएको छ।

३१ वर्षीय चिनियाँ नागरिक ची छावछ्युनले अमेरिकाको उड्डयन व्यापारसम्बन्धी सूचना चुहाएको आरोप लगाइएको छ।

अमेरिकी न्याय विभागका अनुसार चीले वैज्ञानिक र इन्जिनियर भर्तीका लागि व्यक्तिको पहिचान गरेको र भर्तीकर्ताहरूलाई झुटो बोलाएका थिए।

चीले चिनियाँ गुप्तचर विभागको निर्देशनमा काम गरेको अमेरिकी अधिकारीहरूको भनाइ छ। विदेशी सरकारको जासुसको रूपमा काम गरेको र अमेरिकी सेनालाई समेत गुमराहमा राखेको अमेरिकी अधिकारीहरूको भनाइ छ।