काठमाडौं । नवनियुक्त परराष्ट्रमन्त्री विमला राई पौड्याल र युरोपियन युनियनको प्रतिनिधिमण्डलबीच बुधबार भेटवार्ता भएको छ ।

नेपालका लागि युरोपियन युनियनकी राजदूत नोना डेप्रेजको नेतृत्वमा नेपालका लागि फ्रान्स, फिनल्यान्ड र जर्मनीका राजदुतको समेत सहभागितामा बुधाबार सिंहदरबारस्थित परराष्ट्र मन्त्रालयमा भेट भएको हो ।

परराष्ट्र मन्त्रालयका अनुसार उक्त भेटमा आपसी हितका विविध विकास सहयोगका विषयमा छलफल भएको थियो ।

परराष्ट्रमन्त्रीमा नवनियुक्त भएपछि मन्त्री पौड्यालले विभिन्न मुलुकका कूटनीतिज्ञहरूसँग भेट गर्दै आएकी छिन् ।