धनगढी । कैलाली प्रहरीले फरार दुई जना प्रतिवादीलाई पक्राउ गरेको छ ।

प्रहरीले आगलागी मुद्दाका वीरबहादुर चौधरी र वन मुद्दाका प्रतिवादी ज्ञानबहादुर कठरियालाई पक्राउ गरेको हो ।

उनीहरु लुकिछिपी बसिरहेको अवस्थाबाट पक्राउ गरिएको जिल्ला प्रहरी कार्यालय कैलालीले जनाएको छ ।

२०६९ चैत १३ गते फैसला भएपछि चौधरी फरार भएका थिए । यसैगरी, वन मुद्दामा कठरियालाई २०७४ जेठ २९ गते अदालतले छ महिना कैद सजाय सुनाएको थियो ।

उनीहरुलाई इलाका प्रहरी कार्यालय सडकपुर बौनियाबाट खटिएकोे प्रहरी टोलीले पक्राउ गरेको हो ।