काठमाडौं। नेपाल नागरिक उड्डयन प्राधिकरणले अर्को निर्णय नआउन्जेलसम्म प्रभु हेलिकप्टरको सम्पूर्ण उडानमा रोक लगाएको छ।

गत माघ ५ गते अनुमतिबिना स्याङजा जिल्लाको वालिङ खेल मैदानमा हेलिकप्टर अवतरण गरेको भन्दै प्राधिकरणले कम्पनीका सबै उडानमा रोक लगाएको हो।

प्राधिकारणको नियम तथा सो कम्पनीको कार्यविधि विपरित मानिसको भेला भएको ठाउँमा अवतरण गरेको भन्दै पाइलटसँगै प्रभु हेलिकप्टरलाई उडानमा रोक एक अधिकारीले जानकारी दिए।

प्राधिकरणले अर्को आदेश नभएसम्मका लागि उक्त हेलिकप्टरको पाइलटलाई उडानमा रोक लगाएको छ। प्राधिकारणले थप छानबिन गरिरहेको र अर्को निर्णय नभएसम्म सबै उडानमा रोक लगाएको जनाएको छ।