काठमाडौं । अभिनेत्री ऋचा शर्माले अष्टेलियामा छोटो फिल्म ‘ब्लड मनी’ बाट उत्कृष्ट अभिनेत्रीको अवार्ड जितेकी छिन् ।

शर्माले अस्ट्रेलियामा सम्पन्न ‘टाइटान फिल्म फेस्टिभल’मा वर्षकै उत्कृष्ट अभिनेत्रीको अवार्ड जितेकी हुन्।

उक्त फिल्म फेस्टिभलमा लेखक तथा निर्देशक अशोक तिमल्सिनालाई सम्मान गरिएको थियो। फेस्टिभलमा १ सयभन्दा बढी देशबाट फिल्म सहभागी भएका थिए।

२७ मिनेट लामो फिल्ममा ऋचा शर्मा, अशोक तिमल्सिना, मिथिला शर्माको मुख्य भूमिका रहेको छ। फिल्ममा पारिवारिक आर्थिक अवस्थाले विदेशिएका युवाको कथा समेटिएको छ।