काठमाडौं । नेपाली महिला बक्सर सुश्मा तामाङ एसियन यू-२२ बक्सिङ च्याम्पियनसिपको फाइनलमा पुगेकी छिन् ।

बैंककमा आइतबार महिला ४८ केजी तौल समूहको सेमिफाइनलमा सुष्माले मंगोलियाकी जनारगुली बाइस्येनबाइलाई आरएससीको आधारमा पराजित गर्दै फाइनल पुगेकी हुन् ।

फाइनल प्रवेश गरेसँगै सुष्माले रजत पदक पक्का गरेकी छिन् । अब स्वर्ण पदकका सुष्माले उज्वेकिस्तानकी फोजिलोभा फार्जोनासँग खेल्ने छिन् । फाइनल खेल बुधबार हुनेछ ।

यस प्रतियोगितामा फाइनल पुग्ने सुष्मा पहिलो नेपाली खेलाडी समेत बनेकी छिन् ।