नवलपुर । नारायणी नदी किनारमा दुईवटा गैँडा मृत अवस्थामा भेटिएका छन् ।

नवलपुरको सेहरीस्थित नदी किनारमा माउ र बच्चा गैँडा मृत अवस्थामा भेटिएका हुन् ।

आजै बिहान मृत अवस्थामा भेटिएका दुई गैँडामध्ये एउटाको खाग पनि निकालिसकेको पाइएको छ ।

अहिले गैँडा मृत भेटिएको स्थानमा नेपाली सेनाले सुरक्षा दिइरहेको छ । खाग पनि निकालिसकेको हुँदा चोरी शिकारीमा परेको हुन सक्ने आकलन गरिएको छ ।

जंगल क्षेत्र नजिक रहेको हुँदा सेहरीमा पछिल्लो समय बाघको आक्रमण पनि बढेको स्थानीयले बताएका छन् ।