काठमाडौं । मैत्रीपूर्ण फुटबलमा पेरिस सेन्ट जर्मेइन (पीएसजी)ले साउदी क्लब रियाद अल स्टार–११ लाई पराजित गरेको छ ।

बिहीबार राति रियादको किङ फाहद रङ्गशालामा भएको खेलमा पीएसजी ५–४ गोलले विजयी भएको हो । पीएसजी खेलको ३९ औँ मिनेटमा नै १० खेलाडीमा समेटिएको थियो ।

उसका लिओनल मेस्सी, किलियन एमबाप्पे, मार्किन्हस, सर्जियो रामोस र ह्युगो एकिटिकेले एकरएक गोल गरे । नेयमार पेनाल्टीमा गोल गर्न चुके ।

रियादका लागि कप्तान क्रिस्टियानो रोनाल्डोले दुई तथा एन्डरसन तालिस्का र जाङ ह्युन सुले एक/एक गोल गरे ।