कास्की । पोखरामा यति एयरलाइन्सको जहाज दुर्घटनामा बेपत्ता भएका थप एक जनाको शव फेला परेको छ। सोमबार अपरान्ह ३ बजे सेती नदीबाट सशस्त्र प्रहरी बलको गोताखोरले पानीबाट शव निकालेको हो।

अहिले उक्त शवलाई पनि गण्डकी अस्पताल लैजाने तयारी गरिएको छ । अहिलेसम्म अस्पतालमा ६८ जनाको शव राखिएको छ। बाँकी तीन जना बेपत्ताको खोजी गरिरहेको छ।

त्यहाँ अहिले सेना, सशस्त्र प्रहरी र नेपाल प्रहरीको टोली खटिएको छ। आइतबार बिहान १०स्३२ बजे काठमाडौंबाट उडेको यति एयरको जहाज पोखरामा दुर्घटना भएको थियो।

पोखरा महानगरपालिका-१५ स्थित सेतीको खोँचमा जहाज दुर्घटना भएको हो। जहाजमा ४ जना चालक दल र ६८ यात्रु सवार थिए। जसमध्ये ६९ जनाको शव फेला परेको हो। गण्डकी अस्पतालमा मृतकको सनाखत गर्ने काम भइरहेको छ। प्रहरीले सनाखत भएका शवको पोष्टमर्टमपछि परिवारलाई बुझाउने तयारी गरेको छ।