तनहुँ । खुकुरी प्रहार गरी एक जना पुरूषको हत्या भएको छ। तनहुँको भानु नगरपालिका-६ टुहुरे स्थित डुम्रे-चन्द्रवती सडकखण्डमा एक पुरूषको हत्‍या भएको हो।

सोमबार बिहान साढे ११ बजे ४९ वर्षीय सन्तबहादुर गुरूङको हत्या भएको हो। हत्या आरोपमा व्यास नगरपालिका-८ रिस्ती बस्ने २४ वर्षीय आशिष परियारलाई प्रहरीले पक्राउ गरेको छ।

उनलाई हतियारसहित पक्राउ गरेको जिल्ला प्रहरी कार्यालय तनहुँले जनाएको छ ।

अहिले मुचुल्का लगायतको काम भइरहेको प्रहरीले जनाएको छ।

घटनामा संलग्न खुकुरी प्रहार गर्ने आशिस परियारलाई हातियारसहित नियन्त्रणमा लिई थप अनुसन्धान भइरहेको छ।