काठमाडौं । प्रतिकूल मौसमका कारण त्रिभुवन अन्तर्राष्ट्रिय विमानस्थलबाहेक देशभरका अधिकांश विमानस्थलको उडान प्रभावित भएको छ ।

मौसम खराबीले भिजिविलिटी कम हुँदा काठमाडौं बाहिरका सबैजसो विमानस्थलको आन्तरिक उडान प्रभावित भएको विमानस्थल कार्यालयले जनाएको छ ।

देशको तराईका भू–भागमा हुस्सु/कुहिरो लागेकाले भिजिविलिटी कम हुँदा हवाई उडान प्रभावित भएको हो ।

दुर्घटनाको शोकमा यती एयरलाइन्सले सोमवार देशभरका सबै उडान स्थगित गरेको छ ।

हाल देशमा पश्चिमी न्यूनचापीय प्रणालीको सामान्य प्रभाव रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

सुदूरपश्चिम, कर्णाली, लुम्बिनी र गण्डकी प्रदेशमा आंशिकदेखि सामान्य बदली रहने छ । तराईका भूभागमा हुस्सु/कुहिरो लागेको  छ ।