पोखरा। यती एयरलाइन्सको ९–एन एएनसी एटिआर–७२ विमान दुर्घटनामा परेर ज्यान गुमाएकाहरूको शव पोस्टमार्टम गर्न थालिएको छ ।

पोखरा स्थित पश्चिमाञ्चल क्षेत्रीय अस्पतालमा शव पोस्टमार्टम गर्न थालिएको हो ।

सनाखत भएको शव पोस्टमार्टम गरेर अस्पतालबाटै आफन्तलाई जिम्मा लगाइने अस्पतालले जनाएको छ । पहिचान भएका र विदेशीको शव काठमाडौं ल्याइँदै छ ।

घटनास्थलबाट सङ्कलन गरिएका मध्ये ३ वटा शव महिला र पुरुष पहिचान भएको छैन । सङ्कलन गरिएको ३९ शव परुषको र २५ शव महिलाको पहिचान भएको छ ।

अहिले सम्म ६८ जनाको शव भेटिएको छ । विमानमा सवार ४ जनाको अवस्था अझै अज्ञात छ । अहिलेसम्म २६ शवको सनाखत भएको छ ।