काठमाडौं । पोखरामा आज दुर्घटनाग्रस्त भएको यती एयरलाइन्सको विमानमा दोहोरी गायिका निरा छन्त्यालसमेत सवार रहेको खुलेको छ ।

गायिका छन्त्याल लाइभ दोहोरीमा चलेकी कलाकार हुन् । उनी सोही जहाज चढेर पोखरा गएको पारिवारिक स्रोतले बताएको छ ।

गायिका छन्त्यालको अवस्थाबारे कुनै आधिकारिक जानकारी नआए पनि यात्रुहरूको सूचीमा उनको नाम समावेश रहेको छ ।

उनी माघे सङ्क्रान्तिका अवसरमा पोखरामा आयोजना हुने कार्यक्रमका लागि प्रस्थान गरेकी थिइन् ।

उनले चार घण्टा अगाडि मात्रै आफ्नो फेसबुकबाट माघे सङ्क्रान्ति शुभकामना लेखेकी थिइन् ।