एजेनसी । युक्रेनको नून खानी सहर सोलेडारमाथि कब्जा गरेको रूसले दाबी गरेको छ ।

शुक्रबार एक महिना लामो भिडन्तपछि अन्ततः आफूले नून खानी सहर सोलेडार कब्जा गरेको रूसले दाबी गरेको हो । रूसले यसलाई आफ्नो आक्रमणको “महत्वपूर्ण उपलब्धि”को संज्ञा दिएको छ ।

रूसी रक्षा मन्त्रालयका अनुसार अब रूसी फौजले नजिकैको ठूलो सहर बाखमुटतर्फ जाने युक्रेनी आपूर्तिका रुटहरु बन्द गर्न सक्ने पनि दाबी गरेको छ ।

यसैबीच युक्रेनी अधिकारीहरुले भने सोलेडारमा अझै युद्ध जारी रहेको बताउँदै रूसलाई गलत सूचना फैलाएको आरोप लगाएका छन् । सोलेडार वरपरको युद्ध अहिलेसम्मकै सबैभन्दा हिंसात्मक भिडन्तहरुमध्ये एक मानिएको छ ।