काठमाडौं । बाँकेकी निर्मला कुर्मी बेपत्ता पारिएको घटनामा आन्दोलनरत महिलाहरूले न्यायका लागि सरकारको ध्यानाकर्षण गराएका छन् ।

नेपालगन्जबाट काठमाडौं आएर माइतीघरमा १६ दिनदेखि धर्नामा बसिरहेका उनीहरूले शुक्रबार गृहमन्त्रीलाई सम्बोधन गरेर ध्यानाकर्षण पत्र बुझाउँदै न्यायका लागि अपिल गरेका हुन् ।

तर उनीहरुले गृहमन्त्री लामिछानेलाई नभएर मन्त्रालयका प्रवक्ता फणिन्द्रमणि पोखरेललाई भेटेर ध्यानाकर्षणपत्र बुझाएका हुन् ।

आन्दोलनरत महिला अधिकार मञ्चकी केन्द्रीय सदस्य सकिना तेलीसहित पाँच महिलाले मन्त्रालय पुगेर ध्यानाकर्षणपत्र बुझाएका थिए ।