पाल्पा । आमालाई काट्न भनेर तरबार देखाउने छोरालाई प्रहरीले पक्राउ गरेको छ । पाल्पाको रिब्दीकोट गाउँपालिका ३ खस्यौलीका २४ वर्षीय हिराबहादुर दर्लामीलाई प्रहरीले पक्राउ गरेको हो ।

दर्लामीले आफ्नो आमा चित्रकुमारी दर्लामीलाई अश्लील गाली गलौचसहित तरबारले अचानोमा राखी काट्ने भनेर तरबार देखाएर धाक धम्की दिएको आरोपमा उनलाई पक्राउ गरेको जिल्ला प्रहरी कार्यालय पाल्पाले जनाएको छ ।

प्रहरी चौकी हार्थोकबाट घटनाको सम्बन्धमा जानकारी हुनासाथ प्रहरी टोली घटनास्थलमा खटिई तरबार र काठको अचानोसहित हिराबहादुरलाई पक्राउ गरी जिल्ला प्रहरी कार्यालय पाल्पामा ल्याइएको छ ।

घटनाको सम्बन्धमा थप अनुसन्धान जारी रहेको प्रहरीले जनाएको छ ।