काठमाडौं । साताको अन्तिम कारोबार दिन बिहीबार सेयर बजार ओरालाे लागेकाे छ ।

नेप्से परिसूचकमा ४१.०४ अंकले ओरालो लागेर २१४९.३९ विन्दुमा आएर रोकिएको छ ।

घटेको बजारमा ५ अर्ब ४७ करोड रुपैयाँ बराबरको सेयर कारोबार भएको छ । कुमारी धनवृद्धि योजना र सिंगटी हाइड्रोइनर्जीको सेयर मूल्य सकारात्मक सर्किट लागेको छ ।

आज हिमालय एभरेष्ट इन्सुरेन्सको प्रमोटर शेयर १० प्रतिशत, गुराँस लघुवित्तको नौ प्रतिशत, कालिका पावरको साढे आठ प्रतिशत र बलेफी हाइड्रोको शेयर साढे सात प्रतिशतले घटेको छ ।

समग्रमा बजार घटेर राताम्मे भए पनि सिँगटी हाइड्रो र बाराही हाइड्रोको शेयर १० प्रतिशतले बढेको छ ।