सुर्खेत । कर्णाली प्रदेशको मुख्यमन्त्रीमा नेकपा (माओवादी केन्द्र) संसदीय दलका नेता राजकुमार शर्मा नियुक्त भएका छन् ।

प्रदेश प्रमुख तिलक परियारले शर्मालाई बुधबार अपराह्न मुख्यमन्त्रीमा नियुक्त गरेका हुन् ।

शर्माले आजै २५ सांसदको समर्थनसहित मुख्यमन्त्रीमा दाबी गरेका थिए । शर्माले भोलि पद तथा गोपनीयताको शपथ गर्ने छन् ।

प्रदेशको मुख्यमन्त्रीमा माओवादी केन्द्र र नेकपा (एमाले) ले आलोपालो गर्ने भएका छन् । कर्णाली प्रदेशमा एमालेको अडानपछि माओवादी केन्द्रसँग आधा-आधा कार्यकाल सरकार चलाउने सहमति भएको हो ।

आज बिहीबार दिउँसो बसेको एमाले-माओवादी दलको बैठकले आधा-आधा कार्याकाल सरकार चलाउने सहमति भएपछि माओवादी दलका नेता शर्माले प्रदेश प्रमुखसमक्ष मुख्यमन्त्रीमा दाबी पेश गरेका थिए ।