झापा । प्रहरीले भन्सार छलेर अवैध रुपमा नेपाल ल्याउँदै गरेको सामान नियन्त्रणमा लिएको छ ।

वडा प्रहरी कार्यालय भद्रपुरबाट खटिएको प्रहरी टोलीले अवैध रुपमा भारतबाट नेपालतर्फ ल्याउँदै गरेको ४० हजार बराबरको साडी नियन्त्रणमा लिएको हो ।

त्यस्तै, मंगलबार नै झापाको मेचीनगर नगरपालिका–७ इट्टाभट्टा चोकमा चेकजाँच गर्ने क्रममा भारतबाट अबैध रुपमा भन्सार छलेर नेपालतर्फ ल्याउँदै गरेको ३२ हजार रुपैयाँको किराना सामानहरु नियन्त्रणमा लिएको छ ।

उक्त नियन्त्रणमा लिएको सामान आवश्यक कारबाहीका लागि भद्रपुर भन्सार कार्यालय झापामा बुझाइने झापा प्रहरीले जनाएको छ ।