काठमाडौं। लोकतान्त्रिक समाजवादी पार्टी (लोसपा) नेपालले प्रधानमन्त्री पुष्पकमल दाहाल ‘प्रचण्ड’ लाई विश्वासको मत दिने भएको छ ।

महन्थ ठाकुर नेतृत्वको लोसपाले प्रधानमन्त्री प्रचण्डलाई विश्वासको मत दिने भएका हो । सरकारमा जाने जाने बारे पार्टीले अहिले कुनै निर्णय नगरेको लोसपा अध्यक्ष महन्थ ठाकुरले बताए ।

अध्यक्ष ठाकुरले भने, ‘प्रधानमन्त्री प्रचण्डलाई विश्वासको मत दिने हामी निर्णय गरेका छौ आज उहाँलाई विश्वासको मत दिन्छौँ ।’

सरकारको साझा न्यूनतम कार्यक्रममा केही कुराहरू समेटिएको र अरू विषयमा सरकारसँग थप छलफल गर्ने सहमति भएको कारणले विश्वासको मत दिने निर्णय गरेको उनले बताए ।

पुस २४ गते बसेको लोसपाको कार्यकारिणी समितिको बैठकले विश्वासको मत दिने नदिने बारे निर्णय गर्ने अधिकार पार्टीका अध्यक्ष महन्थ ठाकुरलाई दिएको थियो ।

उनले प्रधानमन्त्री प्रचण्डलाई विश्वासको मत दिने भनी आफ्ना पार्टीका सांसदलाई खबर गरेका छन्। लोसपासँग चार जना सांसद छन् ।