काठमाडौं । नेपाल टी-२० लिगको दोस्रो क्वालिफायरमा विराटनगर सुपरकिंग्स र जनकपुर रोयल्सबीच प्रतिस्पर्धा हुने भएको छ।

सोमबार भएको एलिमिनेटरमा काठमाडौं नाइट्सलाई ९९ रनले पराजित गर्दै विराटनगरले क्वालिफायरमा स्थान बनाएको हो।

विराटनगर र जनकपुरबीच मंगलबार हुने दोस्रो क्वालिफायर खेलको विजेताले बुधबार फाइनलमा लुम्बिनी अल स्टार्ससँग भिड्नेछ।

यस लिगको विजेताले ५५ लाख पाउने जनाएको छ । यस्तै उपविजेताले ३० लाख नगद पुरस्कार प्राप्त गर्दा तेस्रो हुनले १० लाख र चौंथोले ५ लाख पाउने छ ।

त्यस्तै प्लेयर अफ द सिरिजले ५ लाख प्राप्त गर्दा उत्कृष्ट बलर र उत्कृष्ट ब्याटरले २ लाख ५० हजार पाउने छन् । इमर्जिङ प्लेयरले १ लाख ८० हजार पाउने छ ।

पहिलो संस्करणको लिगमा ६ टोलीको सहभागिता रहेको छ । यस लिगमा काठमाडौं नाइट,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।