काठमाडौं । नेपाल पत्रकार महासंघका केन्द्रीय सदस्य तथा नेपालफेस डटकमका सम्पादक माधव पौडेल यस वर्षको “गोविन्द वियोगी विशेष पत्रकारिता पुरस्कार”बाट पुरस्कृत हुने भएका छन् ।

सम्पादक समाज नेपालको पुस २२ गते बसेको कार्यसमितिको बैठकले पौडेललाई सो पुरस्कार प्रदान गर्ने निर्णय गरेको हो । उनी १५ हजार एक रुपैयाँ नगदसहित सम्मानित हुनेछन् ।

सम्पादक समाज नेपालका संस्थापक अध्यक्ष स्व.गोविन्द वियोगीको स्मरणमा सो पुरस्कार स्थापना गरिएको थियो । यस्तै सम्पादक समाज नेपालले “गोविन्द वियोगी पत्रकारिता पुरस्कार—२०७९” न्यूज २४ का कार्यक्रम संयोजक नवराज चालिसेलाई प्रदान गर्ने भएको छ ।

उनी २५ हजार एक रुपैया नगदसहित सम्मानित हुन लागेका हुन् । उनीहरु दुवै जनालाई पुरस्कार र सम्मान समाजको शिवपुरी—७, गोविन्द वियागी मार्ग, सूर्यचौरस्थित आफ्नै भवनमा आगामी २०७९ माघ ७ गते शनिवारका दिन हस्तान्तरण गरिने छ ।