काठमाडौं । काठमाडौं उपत्यका अपराध अनुसन्धान कार्यालयले छात्रवृत्तिमा अध्ययन गर्न भारत पठाईदिने भन्दै ठगी गर्ने एक जनालाई पक्राउ गरेको छ ।

पक्राउ पर्नेमा सिराहाको कल्याणपुर नगरपलिका घर भई काठमाडौं महानगरपलिका ३१ बानेश्वर बस्ने २७ वर्षीय सन्तोष मण्डल रहेका छन् ।

मण्डलले आफू इन्डो ग्लोबल कन्सलटेन्सी बागबजारको सञ्चालक रहेको र भारतमा छात्रवृत्तिमा उच्च शिक्षा अध्ययनको लागि पठाउने गरेको भन्दै ठगेको पाइएको प्रहरीले जनाएको छ ।

इन्जिनियरिङ शिक्षाका लागि दिल्ली टेक्निकल विश्वविद्यालयमा भर्ना गराइदिने भन्दै आठ लाख रुपैयाँ लिएर सम्पर्कविहीन भएपछि प्रहरीले उनलाई पक्राउ गरेको हो ।