विराटनगर । प्रदेश १ मा नेकपा एमाले र नेकपा माओवादी केन्द्रले सत्ता साझेदारीको औपचारिक सहमति गरेका छन् ।

एमालेका संसदीय दलका नेता हिक्मत कार्की र माओवादीका संसदीय दलका नेता इन्द्र आङ्बोबीच सरकार गठनका विषयमा समझदारी भएको हो ।

माओवादीले प्रदेश १ मुख्यमन्त्रीमा एमालेका हिक्मत कार्कीलाई समर्थन गर्ने निर्णय गरेको छ । भर्खरै सकिएको माओवादी संसदीय दलको बैठकमा एमाले नेतृत्वमा सरकारमा जाने निर्णय गरेको हो ।

एमाले र माओवादीबीच केन्द्रमा यसअघि नै सहमति भइसकेको थियो । यससँगै एमालेका हिक्मत कार्कीले आजै मुख्यमन्त्रीमा दाबी पेश गर्नेछन् ।

पहिलो चरणमा एमाले र माओवादीबाट एक-एक जना मन्त्री बनाउने सहमति पनि भएको छ ।