काठमाडौं । बिहीबार बसेको मन्त्रिपरिषद् बैठकले सात सचिवको सरुवा गरेको छ ।
मन्त्रिपरिषद् बैठकले सचिव तोयम राया,कृष्णहरि पुष्कर,मधु मरासैनी,धनराज ज्ञवाली,उदयराज सापकोटा, डा.राम प्रसाद घिमिरे र रामेश्वर दंगाललाई सरुवा गरेको हो ।
अर्थ सचिवमा तोयमलाई ल्याइएको छ भने राजस्व सचिवमा घिमिरे आएका छन् । अर्थ सचिव पुष्करलाई प्रधानमन्त्री तथा मन्त्रिपरिषद्को कार्यालयमा सरुवा गरिएको छ ।
यसैगरी प्रधानमन्त्री तथा मन्त्रिपरिषद्को कार्यालयका कानुन सचिव ज्ञवालीलाई कानुन, न्याय तथा संसदीय मामिला मन्त्रालय र कानुन सचिव सापकोटालाई प्रधानमन्त्री तथा मन्त्रिपरिषद्को कार्यालयमा सरुवा गरिएको छ ।
अक्तियार दुरुपयोग अनुसन्धान आयोगका सचिव घिमिरेलाई राजश्व सचिव र राजश्व सचिव दंगाललाई अक्तियार दुरुपयोग अनुसन्धान आयोगमा सरुवा गरिएको छ ।