काठमाडौं। यातायात कार्यालयबाट प्रहरीले २६ जना बिचौलियाहरूलाई पक्राउ गरेको छ ।

प्रहरीले चन्द्रगीरी नगरपालिका स्थित गुर्जुधाराको यातायात व्यवस्था कार्यालयबाट २६ जना बिचौलियालाई पक्राउ गरिएको हो ।

सेवाग्राहीलाई काम छिटो गरिदिने बहानामा उनीहरूले रकम असुल्ने गरेको जिल्ला प्रहरी परिसर काठमाडौंले जनाएको छ ।

बिचौलियाहरूलाई प्रहरी परिसर टेकुमा राखिएको छ ।

नयाँ लाइसेन्स बनाउन र कागजपत्र नवीकरण गर्न जाने सेवाग्राहीलाई ‘छिटो काम गरिदिन्छौँ’ भनेर बिचौलियाहरूले रकम असुल्ने गरेका छन् ।

यातायातका कर्मचारीहरू पनि बिचौलियाहरूसँग मिल्ने गरेको आरोप छ ।