एजेन्सी । टोटेनहमले क्रिस्टल प्यालेसमाथि प्रभावशाली जित हात पारेको छ ।

इंग्लिस प्रिमियर लिग अन्तर्गत गएराति क्रिस्टलको घरेलु मैदान सेलहार्ट पार्कमा टोटेनहमले ४–० को जित निकालेको हो । टोटेनहमको जितमा ह्यारी केनले २ तथा माट डोहार्डी र सन ह्युगले एक/एक गोल गरे।

पहिलो हाफसम्म गोरहित बराबरीमा रहेको खेलको दोस्रो हाफमा टोटेनहमले प्रभावशाली प्रदर्शन गरेको हो । यो जितसँगै १८ खेलमा ३३ अंक बनाएको टोटेनहम पाँचौ स्थानमा यथावत छ ।

उसले दोस्रो स्थानको म्यानचेस्टर सिटीसँगको अंक दूरी २ मा झारेको छ भने तेस्रो स्थानको न्युक्यासल र चौथो स्थानको म्यानचेस्टर युनाइटेडसँगको दूरी १ मा कायम राखेको छ।

क्रिस्टल भने २२ अंकसहित १२ औँ स्थानमा छ। शीर्ष स्थानको आर्सनलको ४४ अंक छ।