काठमाडौं । देशभरका अस्पतालहरूमा अहिले कोभिड–१९ संक्रमितको संख्या शून्य भएको छ ।

स्वास्थ्य तथा जनसंख्या मन्त्रालयका अनुसार हाल कुनै पनि संक्रमित अस्पतालमा भर्ना भएर उपचाररत छैनन् ।

त्यस्तै, पछिल्लो २४ घण्टामा थप ७ जनामा  सङ्क्रमण पुष्टि भएको छ ।

४५२ जनाको पीसीआर र ५४८ जनाको एन्टीजेन विधिबाट परीक्षण गर्दा ७ जनामा संक्रमण पुष्टि भएको मन्त्रालयले जनाएको छ ।

बुधबार ६ जना संक्रमणमुक्त भएका छन् भने देशभर २१ जना सक्रिय संक्रमित रहेका छन् ।