काठमाडौं । जनता समाजवादी पार्टीले विचार मिल्ने विभिन्न दल तथा संगठनसँग एकता, सहकार्यका लागि वार्ता समिति गठन गरेको छ ।

काठमाडौंमा बसेको राजनीति समितिको बैठकले नेता राजेन्द्र श्रेष्ठको संयोजनमा वार्ता समिति गठन गरेको हो ।

श्रेष्ठको संयोजनमा बनेको समिति सदस्यमा रकम चेम्जोङ र गोविन्द चौधरी रहेका छन् । जसपा प्रवक्ता मनिष सुमनका अनुसार सत्ता गठबनधनसँग सम्बन्धित वार्ता यही समितिले गर्नेछ ।

जसपा र नेकपा एकीकृत समाजवादीबीच पार्टी एकताको विषयबारे गृहकार्य अघि बढाइसकेका छन् । ४ मंसिरको प्रदेश तथा प्रतिनिधिसभा निर्वाचनपछिको परिवर्तित अवस्थाले जसपा र नेकपा एसलाई नजिक्याएको छ ।