काठमाडौं । नेपालका लागि श्रीलंकाकी राजदूत हिमाली अरुणतिलले राष्ट्रपति विद्यादेवी भण्डारीसँग शिष्टचार बिदाई भेट गरेकी छन् ।

उनले आफ्नो कार्यकाल सकेर स्वदेश फिर्ता हुनुअघि राष्ट्रपति भवन शीतलनिवासमा राष्ट्रपति भण्डारीसमक्ष भेट गरेकी हुन् ।

भेटमा नेपाल र श्रीलंकाबीच रहीआएको द्विपक्षीय सम्बन्ध, आपसी हित र चासोका विषयमा कुराकानी भएको राष्ट्रपति कार्यालयका प्रवक्ता सागर आचार्यले विज्ञप्तिमार्फत जानकारी दिएका छन् ।