काठमाडौं । नेकपा एकीकृत समाजवादी पार्टी सरकारमा नजाने भएको छ ।

पार्टी कार्यालय आलोकनगरमा बसेको पोलिटब्यूरो बैठकले तत्काल सरकारमा नजाने निष्कर्ष निकालेको हो ।

सहभागी एक नेताका अनुसार दलले प्रधानमन्त्री पुष्पकमल दाहाल नेतृत्वको सरकारलाई उसको काम हेरेर समर्थन गर्ने वा नगर्ने भन्ने नीति लिएको छ । प्रधानमन्त्री दाहाललाई विश्वासको मत दिनेबारे पनि दलभित्र एकरुपता नभएको जनाईएको छ ।

तर, प्रचण्डसँग लामो समयसम्म सहकार्य गरेको भएकाले कतिपय नेताहरुले विश्वासको मत दिनुपर्ने सुझाव दिएका छन् ।

अध्यक्ष माधवकुमार नेपालसहित अधिकांश सदस्यहरुले भने दाहाललाई विश्वासको मत दिनुपर्ने धारणा राखेका छन् ।