काठमाडौं । सत्ता गठबन्धन दलहरूको संयोजकमा एमाले अध्यक्ष केपी ओली चयन भएका छन् ।

प्रधानमन्त्री निवास बालुवाटारमा बिहीबार बसेको सत्ता साझेदार दलहरूको बैठकले ओलीलाई संयोजक तोकेको हो ।

ओली नेतृत्वको समितिमा अन्य दलका सदस्यहरू थपिने प्रधानमन्त्रीका स्वकिय सचिव रमेश मल्लले जानकारी दिए । उनका अनुसार सरकारको काम कारवाहीलाई प्रभावकारी बनाउन न्यूनतम साझा कार्यक्रम बनाउने सहमति भएको छ ।

बैठकमा नेकपा (एमाले)का अध्यक्ष केपी शर्मा ओली र राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन पनि सहभागी थिए । वर्तमान सत्ता गठबन्धनमा सात दल आबद्ध छन् ।