काठमाडौं । नेपाली कांग्रेसका सभापति तथा प्रतिनिधिसभा सदस्य डा. शेखर कोइरालाले कांग्रेसले नेकपा माओवादी केन्द्र र नेकपा एमालेको चाल बुझ्न नसक्दा दुर्घटना भएको टिप्पणी गरेका छन् ।

विराटनगर विमानस्थलमा बुधवार साँझ सञ्चारकर्मीसँग कुरा गर्दै नेता कोइरालाले यस्तो बताएका हुन् । उनले माओवादी र एमालेको चाललाई कांग्रेसले बुझ्न नसकेको बताए ।

‘सभापतिजीले उनीहरूको चाल बुझ्नुभएन तर हामी समीक्षा गरेर अगाडि बढ्छौं,’ उनले भने । चुनावअघि गठबन्धन गर्दा पाटीलाई क्षति पुगेको समेत उनले बताए । साथै उनले कांग्रेसले नीति अधिवेशन गरेर अगाडि बढ्नु अबको आवश्यकता भएको बताए ।

कांग्रेस नेताहरूले विशेष अधिवेशनको माग गरिरहेको बेला कोइरालाले विशेष अधिवेशन बोलाउने प्रक्रिया लामो र झन्झटिलो भएको भन्दै नीति अधिवेशन बोलाउनु पर्ने बताए ।