सुर्खेत । नेकपा (माओवादी केन्द्र) कर्णाली प्रदेशले संसदीय दलको नेतामा राजकुमार शर्मालाई चयन गरेको छ ।

आज बसेको प्रदेश समितिको बैठकले शर्मालाई दलकाे नेता चयन गर्ने निर्णय गरेको प्रदेश अध्यक्ष विमला केसीले बताइन् ।

मंगलबार बसेको प्रदेश समन्वय समितिको बैठकमा रुकुम पश्चिमका राजकुमार शर्मा (आर्ट), कालिकोटका दुर्गबहादुर रावत र सुर्खेतका कृष्ण जिसी (जितेन्द्र) र विन्दमान विष्टले दल नेताका लागि दाबी पेश गरेका थिए ।

नेपाली कांग्रेसले संसदीय दलको नेतामा जीवनबहादुर शाहीलाई चयन गरिसकेको छ ।